کورونا ویکسین کے ذریعے دجال کی فورس تیار کی جا رہی ہے،بیت المقدس تک پہنچنے کے لیے ڈرامہ رچایا گیاہے

 

اس وائرس کے پیچھے اسرائیل کے مذموم مقاصد ہیں

،فیصل رضا عابدی

 

کورونا وائرس کی دوسری لہر آ چکی ہے اور کہا جارہا ہے کہ اس کی شدت پہلی لہر سے کہیں زیادہ ہے تاہم اس کے ساتھ ہی کورونا ویکسین بھی دریافت کر لی گئی ہے اور کئی کمپنیوں نے اسے بنانے کا اعلان کر دیا ہے۔جبکہ متحدہ عرب عمارات سمیت کئی ممالک کے لوگوں نے اس ویکسین کواستعمال کرنا بھی شروع کر دیا ہے۔

جبکہ اس ویکسین اور وائرس سے متعلق انکشاف کرتے ہوئے پاکستانی سیاسی راہنما فیصل رضا عابدی نے کہا کہ یہ ویکسین دراصل اسرائیل کی سازش ہے۔ اسرائیل کی پارلیمنٹ میں کئی وزرا نے تقریر کی ہے کہ ان کے نجات دہندہ سے ان کی ملاقات ہو چکی اور وہ اگلے برس دنیا میں آ جائے گا۔یعنی کہ جس دجال کا وہ انتظار کر رہے تھے وہ آنے والا ہے اور اس کی فورس بنانے کے کے لیے کورونا وائرس کی وبا پھیلائی گئی اور اب اس وبا سے چھٹکارے کے لیے کورونا ویکسین دی جائے گی اور اس ویکسین میں ایک کوڈ ہو گا جو انسان کے جسم میں داخل ہو جائے گااور پھر خاص ممالک میں وہی لوگ جا سکیں گے جن کے جسم میں یہ کوڈ موجود ہو گا۔

فیصل رضا عابدی کا کہناتھا کہ اسرائیل بہت بڑے منصوبے کو تکمیل تک پہنچانے کا ارادہ رکھتا ہے۔اس کا اصل ہدف مسلمانوں کا قبل اول ہے جس کی طرف اس کے ناپاک قدم روز بروز بڑھتے جا رہے ہیں۔یہ لوگ دجال کے لیے فورس تیار کررہے ہیں اور فلسطین کی زمین پر ناجائز قبضہ کر کے ایک ریاست قائم کرنے کا مقصد اس کے علاوہ اور کچھ نہیں ہے۔فیصل رضا عابدی کا کہنا تھا کہ سب لوگوں پرشرط یہی ہو گی کہ آپ نے ویکسین لگا رکھی ہو وگرنہ آپ کو دنیا کے کسی ملک میں جانے نہیں دیا جائے گااور آپ کو بند کر دیا جائے گااور ویکسین اس لیے لگائی جا رہی ہے کیونکہ اس میں خفیہ کوڈ ہے جو انہیں دجال کی فورس بنانے میں مدد دے گا۔